హామీ…మాఫీ

మోహన్ రుషి

ముఖ్యమంత్రిగా చంద్రబాబు అధికారం చేపట్టి ఐదు నెలలు పూర్తయింది. కానీ గెలవగానే తొలి సంతకం చేస్తానంటూ ఎన్నికల్లో ఆయనిచ్చిన హామీ మాత్రం ఇప్పటికీ నెరవేరలేదు. తమ పార్టీ గెలిస్తే రైతు రుణాలన్నీ మాఫీ చేస్తానని, తొలి సంతకం ఆ ఫైలుపైనే అని చెప్పిన చంద్రబాబు చేసిందేంటో తెలుసా? రుణ మాఫీ ఎలా చేయాలో చెప్పండంటూ ఓ కమిటీని మాత్రం వేశారు. ఆ తరవాత మాఫీపై ఎన్ని మాయదారి ఫీట్లు వేశారో తెలుసా? అడుగడుగునా ఆంక్షలు విధించారు.
సాధ్యమైనంత ఎక్కువ మంది రైతులకు ప్రయోజనం కల్పించాల్సిన ముఖ్యమంత్రి… వీలైనంత ఎక్కువ మందిని ఈ మాఫీ పరిధి నుంచి తప్పించడానికి బోలెడంత కసరత్తు చేశారు. ఆ ఫీట్ల ఫలితమేంటో తెలుసా? రైతులకు ఇప్పటికీ ఒక్క రూపాయి మాఫీ కాలేదు. సరికదా… రాష్ట్రంలోని రైతులు, డ్వాక్రా మహిళలపై ఇప్పటికి దాదాపు 17,500 కోట్ల వడ్డీ భారం (16 నెలలకు) పడింది. రుణ మాఫీ విషయంలో ఏపీ సీఎం చంద్రబాబు మాయదారి ఫీట్ల తీరుతెన్నులు మీరే చూడండి…
బాబు ఏ సందర్భంలో ఏం చెప్పారో… తరవాత ఆ మాట ఎలా తప్పారో ఒక్కసారి చూస్తే…
►రైతులు, డ్వాక్రా మహిళల రుణాలన్నింటినీ మాఫీ చేస్తామని ఎన్నికల ముందు హామీ ఇచ్చారు. టీడీపీ ఎన్నికల ప్రణాళికలో కూడా ఇదే హామీని పొందు పరిచారు. ళీ ముఖ్యమంత్రిగా ప్రమాణం చేసిన వేదికపై రుణాలు మాఫీ చేస్తూ సంతకం పెట్టలేదు. రుణాల మాఫీ విధివిధానాల ఖరారు కోసం కోటయ్య కమిటీని ఏర్పాటు చేస్తూ ఆ ఫైలుపై సంతకం చేశారు.
►కోటయ్య కమిటీ నివేదిక ఇవ్వక ముందే మంత్రులు మాట్లాడుతూ.. రుణ మాఫీకి ఆధార్ లింక్ పెడతామన్నారు. ఆ తర్వాత లక్ష రూపాయల వరకే మాఫీ అన్నారు. మరోసారి లక్షన్నర వరకు మాఫీ అన్నారు. మరో మంత్రి బంగారంపై తీసుకున్న రుణాల మాఫీ సాధ్యం కాదని చెప్పేశారు.
►ఇక ముఖ్యమంత్రి జూన్ 22న కోటయ్య కమిటీతో నిర్వహించిన సమీక్షలో ‘రుణ మాఫీ తర్వాత చూద్దాం. ప్రస్తుతానికి గత ఖరీఫ్‌లో కరువు, తుపాను ప్రభావిత 575 మండలాల్లో రైతుల రుణాలను రీ షెడ్యూల్ చేయిద్దాం.
►ఆర్‌బీఐ గవర్నర్‌తో మాట్లాడండి..’ అంటూ ఆదేశించారు. ళీ జూన్ 29న రాష్ట్ర స్థాయి బ్యాంకర్ల కమిటీ సమావేశంలో వ్యవసాయ రుణాలు రూ.87,612 వేల కోట్లు, మహిళా సంఘాల రుణాలు రూ.14,204 వేల కోట్లు ఉన్నట్లు తేల్చారు. ళీ ఆర్‌బీఐ ఎగ్జిక్యూటివ్ డెరైక్టర్ రాష్ట్ర ప్రభుత్వానికి లేఖ రాస్తూ రైతు రుణ బకాయిలను రాష్ట్ర ప్రభుత్వం ఒకేసారి బ్యాంకులకు చెల్లిస్తే రుణ మాఫీకి అభ్యంతరం లేదన్నారు.
►కోటయ్య కమిటీ ఆర్‌బీఐతో రుణాల రీ షెడ్యూల్‌పై జరిపిన చ ర్చలు విఫలం అయ్యాయి. ఆర్‌బీఐ కేవలం నాలుగు జిల్లాల్లో 120 మండలాల్లోని పంట రుణాల రీ షెడ్యూల్‌కే అనుమతించింది.
►జూలై 21న కోటయ్య కమిటీ ముఖ్యమంత్రికి నివేదిక అందజేసింది. అదేరోజు చంద్రబాబు విలేకరులతో మాట్లాడుతూ ఈ ఏడాది మార్చి నెలాఖరు వరకు ఉన్న వ్యవసాయ రుణాలను మాఫీ చేస్తామని ప్రకటించారు. ఒక్కో కుటుంబానికి లక్షన్నర వరకు మాఫీ చేస్తామన్నారు. డ్వాక్రా సంఘాలకు మాఫీ చేయబోమని, మూల ధన సాయంగా ఒక్కో సంఘానికి లక్ష రూపాయల వరకు ఇస్తామని చెప్పారు.
►ఆగస్టు 14న మాఫీకి పలు ఆంక్షలు విధిస్తూ ఆర్థిక శాఖ మార్గదర్శకాలను జారీ చేసింది. గత ఏడాది డిసెంబర్ 31వ తేదీ వరకు తీసుకున్న పంట రుణాలు, బంగారం కుదవ పెట్టి తీసుకున్న వ్యవసాయ రుణాలు, ఆ రుణాలపై ఈ ఏడాది మార్చి వరకు అయ్యే వడ్డీ కలిపి ఒక్కో కుంటుంబానికి లక్షన్నర వరకు మాఫీ పరిధిలోకి వస్తాయని అందులో పేర్కొన్నారు.
►ఆర్థిక శాఖ తొలి మార్గదర్శకాలను సవరిస్తూ ఈ నెల 1న మరో జీవో జారీ అరుుంది. దాన్లోనూ గత ఏడాది డిసెంబర్ 31వ తేదీ వరకు తీసుకున్న రుణాలకు, అప్పటిదాకా వడ్డీకి మాత్రమే మాఫీ అంటూ వడ్డీలోనూ కోత పెట్టారు.
►23 అంశాలతో రూపొందించిన నమూనా పత్రంలో బ్యాంకులు రైతుల ఖాతాల వివరాలను రాష్ట్ర ప్రభుత్వం రూపొందించిన ప్రత్యేక వెబ్‌సైట్‌కు అందజేయాలని పేర్కొన్నారు. ఆ గడువు ఈ నెల 1తో ముగిసింది. చివరకు బ్యాంకులు చచ్చీచెడీ మొత్తం డేటాను అందజేసినా… మాఫీకి అర్హులైన వారి జాబితాను ఇంకా ప్రకటించలేదు

పోలవరం గురించి

@RanjithReddy

పోలవరం కాదు శాపం! (లోతుగా తెల్సుకోవాలనుకునే వారు ఇది చదవండి . అనవసరంగా తెలంగాణా వారి మీద పడి ఏడ్చే వాళ్ళు తప్పక చదవండి .)
-ప్రాజెక్టు కడితే 397 ఆదివాసీ గ్రామాలు జలసమాధే!
-ప్రకతి సంపద సర్వనాశనమేభద్రాద్రి రామయ్యకూ సంకటమే
-బ్రిటీష్ కాలంలోనే వద్దన్నారుమళ్లీ తెరపైకి వచ్చినా కుదరదన్నారు!
-మరి ఇప్పుడే ఎందుకు ముందుకు తెస్తున్నారు? నీటి రంగ నిపుణుల ఆగ్రహం
జలరంగనిపుణులు వద్దని వారించినా పట్టువీడకుండా నిర్మిస్తున్న భారీ ప్రాజెక్టులేమైనా ఉన్నాయా..? అంటే, అందులో ప్రపంచంలోనే అత్యంత విధ్వంసకర, వివాదాస్పదంగా పేరొందిన ప్రాజె క్టు.. పోలవరం! బ్రిటీష్ హయాంనుంచి ఇప్పటివరకు ఎన్నో వివాదాల సుడిగుండాలను సష్టించిన ఈ ప్రాజెక్టుకు రాష్ట్ర విభజన పుణ్యమా అని జాతీయహోదా లభించింది. జాతీయ హోదా దేని కి..? 
తెలంగాణలో ఆదివాసీల సంసతిని, మనుగడను ధ్వంసం చేయడానికా..?! 
దిగువ ప్రాంతాలను వరద నీటితో ముంచి ప్రళ యం సష్టించడానికా..?! 
పాపికొండల వంటి అపురూప అభయారణ్యాన్ని, అపార ప్రకతి సంపదను పూర్తిగా నాశనం చేయడానికా..?!
గోదావరి నదిలో వరద ఉధతి అనూహ్య రీతిలో పెరుగుతూ వస్తోంది. 
1850లో 15లక్షల క్యూసెక్కుల వరద ప్రవాహం ఉంటే 
1940 నాటికి అది 21లక్షలకు పెరిగింది. 
1953లో 30లక్షల క్యూసెక్కులున్న వరద ప్రవాహం 
1986లో 35లక్షలకు పెరిగింది. ఇప్పుడది 36లక్షల క్యూసెక్కులను దాటుతోంది. కానీ గోదావరి వరద ప్రవాహం ఎప్పుడైనా ప్రమాదకర స్థాయి 50లక్షల క్యూసెక్‌ల వరకు చేరుకోవచ్చని, అప్రమత్తంగా ఉండాలని కేంద్ర జలవనరుల సంఘం హెచ్చరించింది.
1953, 1986లో వచ్చిన గోదావరి వరదలు రాష్ర్టాన్ని వణికించాయి. 36లక్షల క్యూసెక్‌ల మేర నీరు ప్రవహించడంతో వరద నీరు భద్రాచలం గుడిని తాకింది. గత నాలుగు దశాబ్దాలలో మూడోసారి ఈ పరిస్థితి తలెత్తింది. ఎలాంటి అడ్డుకట్ట లేకుండానే ఈ పరిస్థితి తలెత్తింది. అంటే ఇక పోలవరం వద్ద 150అడుగులతో అడ్డుగా ఆనకట్ట నిర్మాణం పూర్తి చేస్తే పరిస్థితి ఏమిటో ఊహించుకోవచ్చు!! గోదావరి వాలు భద్రాచలం నుంచి పోలవరం వరకు చాలా తీవ్రంగా ఉంటుంది. పోలవరానికి 125కిలో మీటర్ల దూరంలో నది భూతల మట్టం 32.5మీటర్ల ఎత్తులో ఉంటే పోలవరం వద్ద ఎకాఎకిన 3మీటర్లకు పడిపోయింది. ఏటవాలుకు వరద ఉధతి ఊహించని విధంగా ఉంటుంది. భద్రాచలం వద్ద 1200మీటర్ల వెడల్పు ఉన్న నది పాపికొండల వద్దకు రాగానే ఒక్కసారిగా 70మీటర్లకు తగ్గుతుంది. ఈ కారణంగా వరద ప్రవాహం దాదాపు 5 రెట్లు అధికమై తీవ్ర ఒత్తిడి పెరుగుతుంది.
అసలుకే ఎసరు:
వాస్తవానికి గోదావరిలో 36 లక్షల క్యూసెక్కుల నీటి ప్రవాహం ఉన్నప్పుడు ఆరుగంటల్లో జలాశయం పూర్తి మట్టం 150 అడుగులకు చేరుతుంది. అప్పటికే తెలంగాణలో రెండువందల గ్రామాలు నీట మునుగుతాయి.. కానీ 50 లక్షల క్యూసెక్కుల నీటి ప్రవాహం ఉన్నప్పుడు కేవలం నాలుగుగంటలలోనే నీరు పూర్తిస్థాయి మట్టానికి చేరుకుని ప్రమాదం ముంచుకు వస్తుంది
ప్రాంతీయ పరంగా కాకుండా మానవీయకోణంలో చూసినా ఇది అత్యంత ప్రమాదకరమని, పోలవరంలో మట్టికట్ట ఎత్తు 175 అడుగులు కాగా గేట్లపై మట్టం 150 అడుగులు. గేట్ల పూర్తి మట్టం, మట్టికట్ట మధ్య తేడా కేవలం 25 అడుగులే. జలాశయంలో ఏర్పడే అలలకు సరైన చోటివ్వడానికి 10 అడుగులు అవసరమవుతాయి. 15 అడుగుల వరద ఒరవడి 36 లక్షల నుంచి 50 లక్షల వరకు చేరితే 72 శతకోటి ఘనపుడటడుగుల నీరు గంటకు 13 శతకోటిఘనపుటడుగుల నుంచి 19 టీఎంసీల వరకు వరుసగా జలాశయంలో నిండుతుంది. 
కానీ భౌగోళికంగా పోలవరం విషయంలో అలాంటి పరిస్థితి లేదు. గోదావరి వరద ఉధతికి నాలుగు గంటల్లోనే వరద నీరు నిండిపోవడం, మరో నాలుగు గంటల్లో వరద పొంగి మట్టికట్ట తెగిపోయే ప్రమాదం ఉంది .
కట్టతెగితే..?!:
ఒక వేళ కట్టతెగితే 40 మీటర్ల నుంచి 10 మీటర్ల వరకు పెద్ద ఎత్తున ఉప్పెన వచ్చే ప్రమాదముందని నేషనల్ ఇన్‌స్టిట్యూట్ ఆఫ్ హైడ్రోలజీ రుర్కి ఇది వరకే హెచ్చరించింది. వరద ఉధతి 50 లక్షల క్యూసెక్కులను దాటే పశ్చిమ, తూర్పుగోదావరి జిల్లాలకు పెను ప్రమాదం ఉంటుందని తేల్చింది. రాజమండ్రి, భీమవరం, కొవ్వూరు, రామచంద్రాపురం తదితర ప్రాంతాల్లో భారీ ఆస్థి, ప్రాణ నష్టం సంభవించే ప్రమాదం ఉంటుందని నిపుణులు హెచ్చరిస్తున్నారు. పెట్రోకెమికల్ కంపెనీలకు, మల్టీనేషనల్ కంపెనీలకు, సెజ్‌లకు ఉపయోగపడుతుంది తప్ప సామాన్యులకు కాదని మొదటి నుంచి బలమైన విమర్శలున్నాయి.
ఎందుకంటే పోలవరం ద్వారా ఉభయగోదావరి జిల్లాల్లో ఏడున్నర లక్షల ఎకరాలకు సాగునీరందిచాలన్నది ప్రధాన లక్ష్యం. కానీ వివాదాల కారణంగా దీర్ఘకాలికంగా పెండింగ్‌లో ఉండటంతో ప్రత్యామ్నాయంగా పుష్కర, తాటిపుడి, ఛగలనాడు, తురిగడ్డ ఎత్తిపోతల పథకాలను నిర్మించారు. దీంతో దాదాపు ఐదులక్షల ఎకరాలకు నీరందుతోంది. ఇక మిగిలింది.. బహుళజాతి కంపెనీలు, సెజ్‌లు, సముద్రతీర ప్రాంతంలోని ఫార్మా, కెమికల్ కంపెనీలకు నీరందించటమే! ఇందుకోసం తెలంగాణ ఆదివాసీలను బలిపెట్టడంతో పాటు దిగువన ఉన్న వారిని కూడా ప్రమాదంలోకి నెట్టడానికి ఈ జాతీయ ప్రాజెక్టు సిద్ధమవుతోంది. పోలవరం శాస్త్రీయంగా సాధ్యం కాదని పద్మభూషణ్ డాక్టర్ కేఎల్ రావు, శివాజీ లాంటి నిపుణులు ఇప్పటికే హెచ్చరించారు. 1751 నుంచి బ్రిటీష్ కాలంలో ప్రతిపాదన వచ్చింది.. కానీ అప్పుడే దూరదష్టితో వ్యవహరించారు. తగదని పక్కకు తప్పుకున్నారు. 1946లో మద్రాస్ ప్రెసిడెన్సీలో మళ్లీ శ్రీరామపాదసాగర్ పేరిట తెరపైకి వచ్చింది. నాడు డాక్టర్ సావేజీతో పాటు కేఎల్ రావు కూడా సాధ్యంకాదని తేల్చారు.
భారీ విధ్వంసం తప్పదా?
పోలవరం రిజర్వాయర్ స్టోరేజీ కెపాసిటీ 194 టీఎంసీలు. అందులో 75 టీఎంసీలు లైవ్ స్టోరేజీ. స్పిల్ వే డిశ్చార్జి 36 లక్షల క్యూసెక్‌లు. వరద ఇన్‌ఫ్లో డిజైన్డ్ 49 లక్షల క్యూసెక్‌లని అంచనా వేశారు. ఈ ప్రాజెక్ట్ అదనంగా వచ్చే లాభం కంటే నష్టాలు, కష్టాలే ఎక్కువ. పోలవరం ఖమ్మం జిలాల్లోని పాల్వంచ, వేలేరుపాడు, కుక్కునూరు, బూర్గంపాడు, వీఆర్‌పురం, కూనవరం, చింతూరు మండలాలను ముంపునకు గురిచేస్తూ దాదాపు రెండున్నర లక్షల గిరిజన, ఆదివాసీలను నిరాశ్రయులను చేయనుంది. ఒడిశా, ఛత్తీసగఢ్‌తో కలిపి 397 గిరిజన, ఆదివాసీ గ్రామాలు పోలవరంలో కొట్టుకుపోనున్నాయి. ఇంత విధ్వంసం చేసే ప్రాజెక్ట్ వల్ల ఏమి వస్తుందని ప్రశ్నిస్తే..?! కష్ణా డెల్టాకు అదనంగా 80 టీఎంసీల నీరు! దానిలో కూడా కర్ణాటక, మహారాష్ట్రకు సగం వాటాపోగా.. మిగిలిన 45 టీఎంసీల్లో ఆంధ్రప్రదేశ్, తెలంగాణ పంచుకోవాల్సి ఉంటుంది. దీన్ని బట్టి చిన్న లాభానికి పెద్ద విధ్వసం అన్నది తేలిపోతున్నది. ఇప్పటికైనా పాలకులకు కనీస విచక్షణ ఉంటే పోలవరం డిజైన్‌ను మార్చి ప్రాణ, ఆస్థి నష్టాన్ని నివారించాలని నిపుణులు హితవుపలుకుతున్నారు.
రిటైర్డ్ ఆంధ్ర ఇంజనీర్ హనుమంత రావు గారి బుక్ చదవండి!
ప్రస్తుతమున్న డిజైన్ కరెక్ట్ కాదు డిజైన్ మార్చాల్సిందే అని చెప్తున్న బుక్ చదవండి!
https://docs.google.com/file/d/0B87EmZE2LcX_LU1TdGNRX1Zydms/edit?pli=1
ఎందుకు పోలవరం కట్టగుడదో తెలుసు కోవాలంటే ఇది చదవండి! ఇది రాజకీయ సమస్య కాదు! నిరాశ్రయులవుతున్న గిరిజనుల సమస్య! కనమరుగు కానున్న పాపి కొండల సమస్య ! కొట్టుకు పోబోయే బద్రాద్రి రాముడి సమస్య! మునిగిపొనున్న మీ సీమాంధ్ర పట్టణాల సమస్య! మానవత దృక్పథం తో ఆలోచించాల్సిన సమస్య!
Why Polavaram must not be built! Please Read it!
http://agrariancrisis.in/wp-content/uploads/2014/05/IndiasDamShame-WhyPolavaramDammustnotbebuilt-2006.pdf

Polavaram-Ordinance

వ్యవసాయ రంగం పై ‘జేపి’ ఆలోచనలు

Comments on JPs articles on GM crops and price policies

వ్యవసాయ రంగం పై లోక్సత్తా ‘జయప్రకాశ్ నారాయణ్’ గారి ఆలోచనల పై తొలకరి సంపాదకులు ‘రవి’  రాసిన వ్యాసం.

మీర్ జాఫర్ ను తలదన్నిన ప్రభుత్వం: ప్రపంచ వ్యవసాయ సదస్సు పై సారంపల్లి మల్లారెడ్డి

Meer jafar nu taladannia prabutvam 25.10.13

ప్రపంచ వ్యవసాయ సదస్సు పై సారంపల్లి మల్లారెడ్డి

రాష్ట్ర రైతాంగానికి నిరాశ మిగిల్చిన 2013-2014 బడ్జెట్

రైతు కుటుంబాల సంక్షోభాన్ని దూరం చేయడానికి బడ్జెట్ కేటాయింపులు పెంచాలి -నిర్దిష్ట విధానాలు ప్రకటించాలి

 
రైతు స్వరాజ్య వేదిక, సుస్థిర వ్యవసాయ కేంద్రం డిమాండ్

2013-2014 సంవత్సరానికి ప్రత్యేక వ్యవసాయ బడ్జెట్ ప్రవేశ పెడతామని రాష్ట్ర ప్రభుత్వం గత కొన్ని నెలలుగా  పదే పదే ప్రకటిస్తూ వచ్చింది. కానీ ఈ రోజు అసెంబ్లీ లో జరిగిన ఘటనలను  చూస్తే ఒక తమాషా ను తల పించింది . ప్రభుత్వం తాను యిచ్చిన హామీ నుండి వెనక్కు వెళ్ళింది . ప్రత్యేక బడ్జెట్ కొంతయినా సమస్యలను పరిష్కరిస్తుందని ఎదురు చూసిన రాష్ట్ర రైతాంగం నిరాశ చెందింది ఈ రోజు రాష్ట్ర అసెంబ్లీ లో వ్యవసాయ శాకా మంత్రి ప్రత్యేక వ్యవసాయ బడ్జెట్ ప్రవేశ పెడతారని ప్రకటించి,వ్యవసాయ బడ్జెట్ పేరుతో పుస్తకాలు కూడా ప్రచురించి, తీరా బడ్జెట్ ప్రవేశ పెట్టె సమయానికి  దానిని వ్యవసాయ సమగ్ర కార్యాచరణ ప్రణాళిక అని సవరించి మొదట్లోనే ప్రభుత్వం తప్పుటడుగు  వేసింది.
రైతాంగాన్ని మోసం చేసింది. ఒక వేళ బడ్జెట్ కాదనుకున్నా , కార్యాచరణ ప్రణాళిక అనుకున్నా అది కూడా సమగ్రం గా లేదు . ఈ  రోజు బడ్జెట్ ప్రసంగం  ఒక  టే ,వీ చానల్ లో గతం లో మంత్రి గారు యిచ్చిన వివరణకు ఏ మాత్రం భిన్నం గా లేదు అందులో కొత్త విషయాలూ లేవు.  సమస్యలను ప్రస్తావించకుండా ,వాటికి నిర్దిష్ట పరిష్కారాలు సూచించకుండా కేవలం యిప్పటి వరకూ తమ ప్రభుత్వం చేసిన పనులను చెప్పడం, కేంద్ర ప్రభుత్వం రూపొందించిన పంచ వర్ష ప్రణాళిక లక్ష్యాలను ఏకరువు పెట్టడం ,వ్యవసాయ శాఖ ప్రతి సంవత్సరం ఇంగ్లీష్ లో ప్రచురించే సంవత్సర కార్యాచరణను ప్రకటించడం తప్ప అదనం గా ఈ పాలసీ ప్రకటన లో మరేమీ లేదు.  వ్యవసాయ, అనుభంద రంగాల కేటాయింపులన్నీ ఒక చోట  చేర్చి ప్రత్యేక బడ్జెట్ అంటారేమో అని గత కొన్ని రోజులుగా రైతు సంఘాలు వ్యక్తం చేసిన అభిప్రాయాలకు అనుగుణం గానే  ఈ రోజు బడ్జెట్ ఉన్నదీ . సమస్యలను పరిష్కరించే విధం గా కాకుండా , వాటిని కొనసాగించే విధం గానే ఈ రోజు ప్రతి పాదనలు ఉన్నాయి,
  • రైతులకు మద్దతు ధరలు అందించేందుకు ఏ ప్రతిపాదనలూ లేవు .. బడ్జెట్ కేటాయింపు లూ లెవు. రైతుల ఆలంబన నిధి పేరుతో కేటాయించిన 100 కోట్లు కూడా ఈ సమస్యను ఏ మాత్రం పరిష్క రించా లేవు .
  • వ్యవసాయాధార ప్రాంతాలకు కేటాయించిన నిధులన్నీ ఇప్పటికే కేంద్ర ప్రభుత్వం వాటర్ షెడ్ కార్యక్రమాలకు యిచ్చే నిధులు మాత్రమే. అదనంగా ఈ రాష్ట్ర ప్రభుత్వం యిందు కోసం కేటాయించిన నిధులు లేవు .
  • కౌలు రైతులకు బ్యాంకులు రుణాలు యివ్వడం లేదు . ఇందుకోసం కౌలు రైతుల తరపున రాష్ట్ర ప్రభుత్వం కౌంటర్ గారంటీ యివ్వాలని రైతు సంఘాలు అడిగిన డిమాండ్ పై మంత్రి ప్రసంగం లో స్పందనే లేదు , ఈ సంవత్సరం కూడా  కౌలు రైతులకు  రుణాలు రావని తేలిపోయింది .
  • రాష్ట్రం లోని రైతులందరినీ వ్యవసాయ బీమా పరిధి లోకి తీసుక రావాలనీ, పరిహారం చెల్లించే భాద్యత ప్రభుత్వమే తీసుకోవాలనీ కొరామ్. కానీ ఈ విషయం లో నిర్దిష్ట ప్రకటన లేమీ లేవు .బద్జెత్ కేటాయింపులు కూడా పెంచలెధు. అంటే వ ఈ సంవత్సరం కూడా బీమా సౌకర్యం రైతులందరికీ అందదన్న మాట , అన్ని పంటలకూ,అన్ని జిల్లాలకూ గ్రామం యూనిట్ గా బీమా ఉండాలనే రైతుల కోరికను ప్రభుత్వం ఏ మాత్రం పట్టించుకోలేదు .
  • విత్తన బిల్లు విషయం ప్రస్తావించినా , విత్తన పధకం కోసం కేటాయించిన నిధులు మాత్రం విత్తన సమస్యను పరిష్కరించేవి కావు. కంపెనీలకు లాభం చేసే విత్తన విధానానికి ప్రత్యామ్నాయం గా రైతులకు హక్కులను కల్పిస్తూ నాణ్యమైన విత్తనాలకు హామీ యిస్తూ, ధరలను అదుపులో ఉంచుతూ  కొత్త విత్తన బిల్లును వెంటనే అసెంబ్లీ లో ప్రభుత్వం ప్రవేశ పెడితేనే రైతుల విత్తన సమస్య పరిష్కారమవుతుంది .
  • వ్యవసాయ అనుబంధ రంగాలకు కేటాయించిన నిధులు పోయిన సంవత్సరం కంటే తక్కువే..

రైతు  సంఘాలు . ప్రస్తావించిన ఏ ముఖ్యమైన సమస్యనూ పరిష్కరించే ప్రతిపాదనలు  రాష్ట్ర బడ్జెట్ లో గానీ,  వ్యవసాయ మంత్రి ప్రకటన లో గానీ లేవు . దీనిని పరిశీలిస్తే రైతుల బాధల పట్ల  ఏ మాత్రం ఈ ప్రభుత్వానికి ఛిత్తసుద్ధి లేదనీ, రైతుల ఆత్మహత్యలను ఆపే లక్ష్యమేదీ లేదనీ అర్థమవుతుంది
.

రైతు సంఘాలు ,రాజ కీయ పార్టీలూ  ఒక్క గొంతు తో రైతుల సమస్యల పై మాట్లాడక పోతే ,ఉమ్మడిగా కార్యాచరణకు  దిగకపోతే  ఈ సమస్యలు పరిష్కారం కావు.

అసెంబ్లీ స్థాయీ సంఘాలపై మన ఒత్తిడిని కొనసాగించి  ప్రత్యేక వ్యవసాయ బడ్జెట్(  పాలసీ ప్రకటన) ను మరింత సమగ్ర పరుచుకునే కృషి ని  ఉమ్మడిగా
కొనసాగిద్దామని మేము విజ్ఞప్తి చేస్తున్నాం

వచ్చే ఆర్థిక సంవత్సరంలో వ్యవ’సాయం’ రూ.63వేల కోట్లు నాబార్డు ప్రతిపాదనలు

హైదరాబాద్, ఫిబ్రవరి 14: వచ్చే ఆర్థిక సంవత్సరంలో వివిధ రంగాలకు రుణ మంజూరుపై నా బార్డు కసరత్తు చేస్తోంది. ఇందులో భాగంగా వ్యవసాయానికి దాదాపు రూ. 63 కోట్ల మేర ఇచ్చేవిధంగా ప్రతిపాదనలు సిద్ధం చేసింది. ఈ మేరకు స్వల్ప, దీర్ఘకాలిక రుణాల కింద రూ.59818.95 కోట్లు, భూమి అభివృద్ధికి రూ. 654.75 కోట్లు, యాంత్రీకరణకు రూ.2432.12 కోట్ల మం జూరుకు ప్రతిపాదించింది. వీటిని రాష్ట్రస్థాయి బ్యాంకర్ల కమిటీ (ఎస్ఎల్‌బీసీ)కి పంపనున్న నేపథ్యంలో సోమవారం వ్యవసాయశాఖ అధికారులతో సమావేశమై సూచనలు స్వీకరించింది. ఈ సందర్భంగా అధికారులు వివిధ అంశాలను ప్రస్తావించారు. 

సమస్యల పరిష్కారానికి చొరవ చూపాలని నాబార్డు ఉన్నతాధికారులను కోరారు. ఇక నీటిపారుదల రంగానికి రూ.1061.38 కోట్లు, ఉద్యాన రంగానికి రూ.1441.72 కోట్లు ప్రతిపాదించింది. ఇక పశు సంవర్ధక శాఖ కింద రూ.2113.05 కోట్లు పాడి పరిశ్రమాభివృద్ధికి, రూ.1088.16 కోట్లు పౌల్ట్రీకి, రూ. 554.43 కోట్లు మేకలు, పందుల పెంపకానికి ప్రతిపాదించారు. మత్స్యరంగానికి రూ.1320.06 కోట్లు నాబార్డు ప్రతిపాదించింది. ఫుడ్ ప్రాసెసింగ్‌కు రూ.637.69 కోట్లు ప్రతిపాదించారు. నాబార్డు ప్రతిపాదనలు… ఎస్ఎల్‌బీసీ ఆమోదం బాగానే ఉన్నా.. ఆచరణలో మాత్రం బ్యాంకు లు శ్రద్ధ చూపడంలేదన్న విమర్శలున్నాయి.

బతుకు బేరంపై దర్యాప్తు: గుంటూరు రైతుల కిడ్నీ అమ్మకాల పై దర్యాప్తు. రాష్ట్ర మానవ హక్కుల కమిషన్ లో ఫిర్యాదు…

 


గుంటూరు, మాచర్ల, ఫిబ్రవరి 14: గుంటూరు జిల్లాలో అప్పులపాలైన రైతులు కిడ్నీలు అమ్ముకుంటున్న వైనంపై రాష్ట్రప్రభుత్వం దర్యాప్తునకు ఆదేశించిం ది. ‘ఆంధ్రజ్యోతి’ ప్రధానసంచికలో ‘బతుకే బే రం’ శీర్షికన ప్రచురితమన ప్రత్యేక కథనం సర్కారులో కదలిక తెచ్చింది. దీనిపై కలెక్టర్ సురేష్‌కుమార్, రూరల్ ఎస్పీ సత్యనారాయణ దర్యాప్తునకు ఆదేశించారు. హైదరాబాద్ నుంచి సీఎం పేషీ ఆరాతీసింది. కలెక్టర్ ఆదేశాల మేరకు డీఎంహెచ్‌వో గో
పీనాయక్ శుక్రవారం రెంటచింతలలో ఇంటింటికీ తిరిగి వైద్య పరీక్షలు చేస్తున్నారు. గురజాల ప్రభుత్వాస్పత్రి బృందం కూడా రెంటచింతల చేరింది. స్పందించిన మానవ హక్కుల కమిషన్
హైదరాబాద్: గుంటూరు జిల్లాలో రైతుల కిడ్నీ అమ్మకాలపై రాష్ట్ర మానవహక్కుల కమిషన్ స్పందించింది. ‘ఆంధ్రజ్యోతి’లో వచ్చిన కథనాన్ని సోమరాజు అనే న్యాయవాది హెచ్చార్సీ దృష్టికి తీసుకెళ్లారు. దీనిపై స్పందించిన హెచ్చార్సీ చైర్మన్ నిస్సార్ అహ్మద్ కక్రూ ఏప్రిల్ 2లోగా నివేదిక ఇవ్వాలని గుంటూరు రూరల్ ఎస్పీకి ఆదేశాలు ఇచ్చారు.

సాగుకు చేసిన అప్పు తీర్చేందుకే..
కలెక్టర్, రూరల్ ఎస్పీల ఆదేశాలతో రెవెన్యూ, పోలీసు అధికారులు వేర్వేరుగా విచారణ చేపట్టారు. బాధితుడు మారెబోయిన అప్పారావు నుంచి వివరాలు సేకరించారు. రెండేళ్లు చేసిన సాగు తనను అప్పులపాలు చేసిందని అప్పారావు ఆవేదన చెందాడు. మొదటి సంవత్సరం ఐదెకరాలు, రెండో సంవత్సరం నాలుగెకరాల పొలం కౌలుకు తీసుకొని సాగు చేసి రూ.9 లక్షలు అప్పులపాలయ్యానన్నారు. అప్పు తీర్చే పరిస్థితి లేక ఆత్మహత్య చేసుకోవాలనిపించి.. భార్య గుర్తుకొచ్చి ఆగిపోయానని చెప్పారు.

మాచర్ల వెళ్లినప్పుడు అక్కడ శ్రీను అనే దళారి చెప్పడంతో.. అతడి మాటలు నమ్మి కిడ్నీ అమ్మేందుకు హైదరాబాద్ వెళ్లానన్నారు. ప్రకాశం జిల్లాకు చెందిన ఓ వృద్ధుడికి తన కిడ్నీ ఇచ్చేందుకు రూ. 4.55 లక్షలకు బేరం కుదిరిందని, కానీ, మొత్తమ్మీద తనకు ముట్టినది రూ. 2.65 లక్షలేనని, మిగిలినది దళారి శ్రీను తీసుకున్నాడని వాపోయారు. కిడ్నీ అమ్మినా అప్పులు తీరకపోవడంతో.. పేరు మార్చుకుని మాచర్లలో ఉంటున్నట్లు తహసిల్దారుకు ఆయన తెలిపారు. కిడ్నీ ఇచ్చేందుకు జరిగిన రాతపత్రాలను బాధితుడి నుంచి పోలీసులు తీసుకున్నారు.